1. Familje e bashkuar
Televizori padiskutim na bën të gjithëve bashkë. Kështu nëse sonte transmetohet puntata e parë e emisionit apo për pak nis edicioni informativ i lajmeve do të ulemi e do ta shikojmë bashkë, si të ishim një.
Ndërkohë kompjuteri na veçon dhe na vendos mure me të tjerët. Me përjashtim të rasteve kur shohim një film me shoqen e ngushtë, të dashurin apo motrën, herët e tjera informacionin e marrim duke qendruar të vetëm para ekranit.
2. Kursen të shkretët sy
Siç të paktën ndodh shumicën e rasteve, televizorin e kemi në një goxha distancë nga vendi ku jemi ulur apo shtrirë. Ndryshe nga çdo të ndodhte me kompjuterin të ngjeshur mirë e mirë në sy për të mos folur pastaj për celularin.
3. Profesionalizëm
Është më e vlefshme dhe më e sigurtë të thuash “e kam dëgjuar në televizor” sesa ta kesh lexuar apo parë diku nëpër miliona faqet e internetit. Televizori është më etik dhe më profesional.
4. Pak dhe saktë
Informacioni apo emisionet në kanalet televizive në përgjithësi janë edukuese dhe të seleksionuara. Përballë kompjuterit ku bumi informativ ta bën kokën lëmsh e ti s’di ç’të lexosh më parë, televizioni është më i sistemuar dhe informacioni që në përgjithësi të serviret është mjaft i vlefshëm.
5. Po ndodh!
Nuk është njësoj të lexosh se cfarë tha dikush për dikë, çfarë ndodhi ose çfarë u bë gjatë një transmetimi live apo emisioni televiziv. Emocioni i të parit live është përherë i paparë.
