Që tani mund të themi se ekziston një “komb hapësinor”, i pari i llojit të tij. Në 12 nëntor, Asgardia vulosi prezencën e saj në hapësirë përmes një sateliti të madh sa një bukë masive.
E kuptojmë që është konfuzuese, po le t’i thjeshtëzojmë gjërat. Ky që shihni në foto është sateliti Asgardia dhe përmban 0.5 TB të dhëna për shtetasit e Asgardias. 18,000 shtetasit e kombit të hapësirës dorëzuan fotografi familjare, emra, flamurin e tyre, kushtetutën e detaje të tjera që bëjnë një shtet. Të gjitha këto janë kompresuar në këtë satelit.
Po tani çfarë? Ky satelit i vogël arriti në hapësirë përmes një mjeti furnizues të NASA-s dhe do të shkëputet prej tij për të orbituar më vete rreth Tokës. Në një farë mënyre, shtetasit jetojnë në hapësirë përmes të dhënave të tyre në satelit. Ka kuptim? Jo, e dimë.
Ideuesi i këtij plani, Dr Igor Ashurbeyli, do që të ndërtojë platforma të jetueshme në orbitat e ulëta të tokës, aty ku ndodhet ISS. Ka ndërmend që këtë ta realizojë brenda tetë vitesh. Gjithshtu, ëndrra e tij më e madhe është të krijojë një shtet të pavarur.
Një nga planet më abicioze të Asgardias është të anëtarësohet në Organizatën e Kombeve të Bashkuara. Për ta bërë këtë, si fillim duhet të njihet si komb dhe kjo është praktikisht e pamundur.
Burimi: CNN
