Në momentin që hyn nëntori, të gjithë biem dakort pa zë se kemi hyrë në sezonin e festave. Qyteti fillon të zbukurohet e ndriçohet, vera shijon më shumë e ngrohtë dhe atmosfera ndihet kudo. Me festat vijnë dhe festimet, sigurisht. Për të pakësuar stresin para një eventi, fustanet i blejmë që tani.
Për vajzat casual, të thjeshta dhe cool
E kuptojmë që festat e fundvitit janë një periudhë glamoroze, por ndoshta nuk doni të pispilloseni shumë. Një fustan të thjeshtë, këpucë të rehatshme dhe flokë të butë.
Perfekt është ky fustan nga Pinko në ngjyrë të ëmbël, i cili vjen me një çmim shumë ekonomik. Kushton vetëm 96 euro. Shtoni një pallto apo pellush të rëndë, çfarëdolloj këpuce të dëshironi, dhe jeni gati.
Po ashtu edhe kjo kryevepër nga & Other Stories me printe galaksish. Një fustan fun që përcjell pozitivitet dhe të kujton qiellin me fishekzjarrë. Pjesë e koleksionit të 2016, kushton 75 euro.
Për klasiken e përjetshme
A ka material më të butë se veluri? Fustani ka linja shumë të thjeshta dhe një e çarë sensuale në anën e majtë. Me një palë taka që me siguri i keni në garderobë dhe vëthë të rëndë, do të dukeni fiks ashtu siç e imagjinoni veten. Një punim kaq cilësor nga Cachet do ta lehtësojë kuletën tuaj vetëm me 70 euro.
Ndërsa për klasiket ekstra klasike, sugjerojmë këtë fustan nga Moschino me perla të mëdha në jakë. Është i gjatë deri në gju dhe qëndron pas trupit. Edhe fustan, edhe bizhuteri. Kushton 159 euro.
Glamur, glamur, glamur
Për gjithë vajzat dhe gratë që do ta festojnë vigjiljen apo Vitin e Ri në restorantin më lukzos në qytet, rekomandojmë dy punime nga Valdrin Sahiti. Fustani i parë, në lejla të errët, është i punuar me tyl, ka shpatulla të zbuluara dhe formën A-line. Mund të bëhet i juaji për 126 euro.
Ky fustan, po nga Valdrin Sahiti, rrëzëllen nga gurët në ije dhe ngjyra e ndezur. Pjesa në dekolte është e mbuluar me tyl të hollë ngjyrë mishi. Klasi në këtë fustan kushton 119 euro.
Për ato që nuk duan të shpenzojnë shumë
Fundja, festat e fundvitit janë. Ky fustan nga Asos, në rozë të lehtë, është i përshtatshëm për të gjitha ato që duan t’i ruajnë paratë për t’u dëfryer me miqtë. Është seksi, por edhe i ëmbël në të njëjtën kohë dhe kushton vetëm 25 euro. Zëre se tre pije në mbrëmje.
Ose ky fustan i kuq nga Max&Co. E kuqja është e pagabueshme dhe silueta e drejtë dhe e thjeshtë, ju lë shumë vend për të aksesorizuar me rripa, çanta brezi, bizhuteri të mëdha apo pellushë gjigandë. Kushon 60 euro.
