Kejda, vajza e Majlinda Bregut, është tashmë e njohur për mediat dhe ndjekësit e politikanes në Instagram. Vetëm një javë më parë, ajo postoi në Instagram një foto ku dukej qartësisht se e bija, e sapodiplomuar nga gjimnazi, ia ka kaluar në gjatësi (shiko këtu).
Tani është radha e Ornela Bregut dhe e së bijës, Beninës, të tërheqin vëmendje në rrjetet sociale me një foto bashkë, si rrallëherë.
E bija e moderatores së njohur është tek të 18-tat dhe ka shkuar të studiojë në Spanjë. Me këtë rast, e ëma Ornela dhe babai Ervis Gjeçi, janë zhvendosur momentalisht në Barcelonë, dhe mendohet se mund të qëndrojnë atje.
Fotoja e tyre bashkë ngjalli, siç mund të pritej, shumë komente pozitive nga miqtë dhe ndjekësit e Ornela Bregut në Instagram. Dhe sigurisht, shumë “Mashallah” nëpër to.
Në janar, Benina tërhoqi vëmendjen e medias me një postim kushtuar rinisë shqiptare, ku argumentonte se në vend që të ankohen gjithë kohës dhe t’ia vënë fajin shtetit për çdo gjë, duhet të reshtin së marri me fjalë dhe t’i futen punës. (lexo këtu)
