Marina Vjollca ndihet kaq mirë dhe e dashuruar dhe e llastuar në lidhjen e saj me Getoar Selimin, sa nuk i intereson shumë edhe nëse fiton ca kile më tepër para dasmës, fundja dashuria e vërtetë i përballon të gjitha.
Moderatorja e “Procesi Sportiv” praktikisht është zhvendosur në Kosovë këto kohë pranë partnerit që po realizon turin veror me djemtë e Babastars dhe ndërkohë po shijon privilegjet e të qenit nusja e vetme në shtëpinë Selimi.
Marina ka publikuar në Instagram një Boomerang të flisë, pjatës tradicionale shqiptare dhe mirë që nuk ia ndjen fare për kilet që mund të shtojë para dasmës që thuhet se do bëhet në shtator, por na fton edhe ne në mëkat.
Nuk e dimë nëse flinë e ka gatuar vjehrra e bukuroshes së ekranit, apo ka mësuar ta gatuajë vetë, e sigurt është që edhe Getoari është mësuar të përkëdhelet në shtëpinë e tij.
