Kjo foto e Kristina Bakiut me Adrola Dushin na rikujtoi se kur rri shumë me dikë, bëhesh sozia e tij edhe nëse s’keni asnjë tipar të ngjashëm.
Janë të dyja modele dhe shoqe të ngushta prej vitesh, kështu që do s’do, do të marrin nga njëra-tjetra.
Njësoj edhe në rastin e Arbanës me Xhemin; njëra brune me tipare të errëta, tjetra bjonde, por gjithë këto vite bashkë kanë bërë punën e vet, kështu që ja ku janë, me të njëjtin model syzesh.
Përpara se Mira të priste flokët shkurt, bashkë me shoqen e ngushtë, Anjeza Majën, kishin të njëjtën ngjyrë flokësh dhe qeshnin plot hare në këtë selfie në makinë. Nuk ngjajnë fare thatë?
Gjithashtu dyshja e pandarë artistike Kejsi Tola- Olta Boka, që kombinohen me kod veshje (këtu ishte alla "lac", siç shkruan Olta).
Por sigurisht, dyshja e mikeshave të ngushta që ngjajnë më shumë në showbiz-in shqiptar, janë Xhesika Berberi dhe Gigi Hadid. Gjithë këto vite shoqëri kanë ndikuar në ADN-të e tyre duke i bërë ato kopje ekzakte të njëra-tjetrës.
Shaka: thjesht këto janë të vetmet që ngjajnë me të vërtetë, edhe pse s'janë takuar ndonjëherë.
