Pak kohë më parë u legalizua përdorimi i kanabisit për përdorim vetjak dhe që nga ai moment kërkesa për të u rrit masivisht.
“Ligji i ri i jep të drejtën grosistëve të pijeve alkoolike të tregtojnë edhe kanabis, por shumica e tyre nuk i përmbushin kriteret e licencimit,” thonë burime pranë Departamentit të Taksave në Nevada. Zyrtartët kanë pranuar që s’e mendonin se kërkesa do të arrinte në nivele të tilla dhe do të bëhej problem.
Mediat amerikane e kanë marrë problemin me humor. “Nevada ka një problem me drogën. Nuk ka mjaftueshëm,” shkruan “Los Angeles Times”.
Shoqatat vendase kanë llogaritur se vetëm në katër ditët e para pas legalizimit, shitjet e kanabisit kapën 3 milion dollarë dhe të ardhurat nga taksat 1 milion dollarë.
Pas Kolorads, Oregonit, Uashingtonit dhe Alaskës, Nevada votoi pro përdorimit vetjak të marijuanës. Përdorimi lejohet në 25 shtete amerikane.
