Ndodh që jeta të të ndryshojë brenda një nate, nëse vërtetë beson fort në ëndrra. Një gjë e tillë i ka ndodhur pikërisht një vajze 22- vjeçare nga Senegalia, jeta e së cilës mori papritur një rrjedhë tjetër. Deri para pak kohësh, Hanna Sylla punonte si të gjithë bashkëmoshatarët e saj, si kamariere në barin e një hoteli.
Teksa një ditë gjatë orës së punës i dërgoi mëngjesin një prej personave që merren me përzgjedhjen e kastit të modeleve për markën e famshme “Miu Miu”, (e cila për të ishte e panjohur), linjat e vajzës nga Senegalia tërhoqën vëmendjen e saj dhe menjëherë e ftoi për një provë.
Dhe vetëm një ditë më pas, 22-vjeçarja e gjeti veten përkrah supermodeleve si Bella Hadi, Kendall Jenner e shumë të tjera. E gjithë kjo ngjan me një histori Hirusheje, duke e bërë të pabesueshme edhe për vetë vajzën gjithçka që po i ndodhte.
Njësoj si nëpër filma, edhe jeta e saj brenda pak orësh mori një tjetër drejtim. Kujtojmë se pothuajse një rastësi e tillë i ka ndodhur dhe modeles ikonë, Kate Moss e cila u spikat në moshën 14-vjeçare nga një agjensi e njohur teksa ishte me të atin në aeroport.
Burimi: Corriere della Sera
