Një ditë argëtimi ka rezultuar fatale për 5 persona, të cilët kanë humbur jetën si pasojë e rrymës elektrike në një kompleks pishinash në provincën veriperëndimore të Turqisë.
Sipas The Guardian, mes viktimave kanë qenë dhe 3 adolëshentë. Nga dëshmitë e para, mësohet se pronari i kompleksit të pishinave dhe djali i tij janë hedhur në pishinë sapo kanë parë që të rinjtë u prekën nga elektriciteti në ujë.
Edhe pse i gjithë personeli nxitoi për të ndërprerë menjëherë energjinë elektrike, viktimat nuk mundën të mbijetonin, pavarësisht ndihmës mjekësore.
Nga hetimet paraprake, autoritetet turke bëjnë me dije se nuk është gjetur asnjë pajisje elektrike “RCD", e cila shërben për të parandaluar dëme serioze që mund të shkaktojë rryma elektrike në ujë.
