Nga bashkëpunimi midis firmës Onyx, me bazë në Johannesburg, dhe sipërmarrësve vendas, muajin që vjen do të nisë prodhimi i telefonave të parë në Afrikë, që kushtojnë vetëm 30 dollarë.
Telefoni i ri ka kamera në pjesën e pasme dhe të parme, si dhe një procesor që mban versionin e Android 7 Nugat. Edhe pse shumica e telefonave të lirë, vijnë bashkë me aplikacione të instaluara, ky model i Onyx-it do të jetë “i pastër”. Përfaqësuesit shprehen se do të jenë vetë përdoruesit ata që do vendosin se çfarë duan të shkarkojnë.
Telefoni i ri ka gjithashtu një pjesë të madhe të gjuhëve afrikane të instaluara, por gjithashtu dhe aplikacione specifike për disa prej shteteve të kontinentit. Një tjetër veçori e këtij telefoni është dhe bateria që karikohet 30% më shpejt dhe harxhohet ngadalë. Arsyeja për këtë gjë është se gjatë momentit të karikimit, të gjitha aplikacionet mbyllen për t’u hapur më vonë në mënyrë automatike.
Burimi: CNN
