Për të shpëtuar nga yndyra e tepërt e flokëve, shumë gra u drejtohen shampove agresive dhe atyre që premtojnë volum. Por këto shampo kanë në përbërjen e tyre detergjentë të fuqishëm, që shkaktojnë tharjen e majave, që për më tepër, janë vetvetiu të dëmtuara, sepse duke qenë pjesa më e vjetër e flokëve, u janë nënshtruar trajtimeve me nxehtësi të lartë. Kështu, yndyra që ne heqim nga skalpi me këto shampo, është e domosdoshme për majat në mënyrë që të kompensohet dëmi që u është bërë me kalimin e kohës.
Për të ndryshuar këtë situatë, ja çfarë duhet të bëni:
Trajtimet para shampos
Përpara se t’i lani flokët, konsideroni trajtimet me maska me argjilë kaoline. Argjila do të përthithë yndyrën e tepërt në rrënjë dhe falë përbërjes viskoze, nuk do të rrjedhë drejt majave duke shmangur tharjen e tyre.
Ndryshoni teknikën e larjes
Mos i grumbulloni më flokët si një pirg mbi kokë gjatë larjes. Masazhoni me gishta shampon në rrënjën e flokëve dhe lëreni shkumën të rrjedhë drejt majave për një pastrim delikat. Kurse me balsamin duhet bërë e kundërta. Aplikojeni atë në maja për t’i zbutur dhe mbajeni larg rrënjëve për të mos i ngarkuar edhe më tepër.
Nxirreni plumbin me plumb
Mund të duket e çuditshme, por vajrat janë një mënyrë e fikase për kontrollimin e yndyrës së skalpit. Një herë në javë para gjumit aplikoni vaj argani në flokë dhe lajini mëngjesin tjetër. Vaji do të ushqejë skalpin, do të balancojë prodhimin e yndyrës dhe do të riparojë majat e dëmtuara.
Burimi: Women's Health
