Jemi të shumtë ne, që për shkak të ambienteve të vogla, përballemi çdo ditë me vështirësitë që të krijon hapësira e kufizuar. Suksesi i mobilimit të një banje të vogël, qëndron tek shpërndarja e mirë funksionale e hidrosanitareve në hapësirën që kemi në dispozicion. Përdorimi inteligjent i hapësirës dhe ndjekja e disa hileve të arredimit, do t’i bëjnë banjat tuaja të duken më të mëdha.

1. Ngjyrat e pllakave

Dy janë opsionet e ngjyrës së pllakave në banjat e vogla: totalisht të bardha ose nuancat e ngjyrave të lehta (pudër apo pastel), dhe kompozimi i vetëm një faqeje në ngjyrë të fortë si: bluja, jeshilja apo e verdha me faqet e tjera pa ngjyrë.

Një dhomë e bardhë dhe një dhomë e ndriçuar mirë na duken gjithmonë të mëdha, pavarësisht dimensioneve që kanë. Kurse përdorimi i një ngjyre të ndezur, krijon dinamizëm dhe hapësira duket më e bollshme.

Kompozimi i mozaikëve është gjithashtu një truk i rëndësishëm, sepse nëpërmjet tyre mund të nxjerrësh në pah elemente të përdorura në banja, siç është kabina e dushit. Ajo mund të vishet me mozaikë që kontrastojnë bardhësinë e pllakave të mureve dhe dyshemesë, si dhe tërheqin menjëherë vëmendjen.

Niket kanë qenë një gjetje arkitektonike që në kohët më të hershme të modelimit të hapësirës. Pse mos ti përdorim edhe në ditët tona? Këto zgavrime të cekëta në mure shërbejnë për të vendosur orendi zbukurimi, por në banjat e vogla, na shërbejnë si dollapë muralë për të gjithë aksesorët e higjienës personale. Janë praktikë dhe nuk zënë hapësirë në dysheme.

Për të gjetur pllakat e duhura, klikoni këtu

2. Eliminimi i bidesë

Disa prej nesh nuk e imagjinojnë dot banjën pa bide. Por kur e ke hapësirën aq të vogël sa nuk ke ku e vendos, si i bëhet? Atëherë Porcelanosa ka menduar edhe për ju që nuk konceptoni dot një banjë pa bide.

Një grup i ri është krijuar për të eliminuar bidenë. Vendoset në distancë 15 cm nga wc-ja dhe 70 cm nga dyshemeja, në mënyrë që të jetë i paarritshëm nga fëmijët. Ky grup është tepër higjienik, sepse bën filtrimin e ujit, duke larguar papastërtitë dhe garanton higjienë maksimale. Është i thjeshtë në montim dhe përdorim. Gjithashtu, është i pajisur me valvul sigurie. Ai nxjerr ujë të ftohtë dhe të ngrohtë.  

3. Kabinat e dushit

E rëndësishme është të dish ku të kursesh hapësirë. Nëse është e mundur, duhet të eleminojmë përdorimin e vaskës në banja të tilla. Kabinat e dushit janë më praktike dhe funksionale. Ato janë të dimensioneve dhe formave të ndryshme, në proporcion me sipërfaqen e disponuar. I gjejmë në forma drejtkëndore apo këndore të harkuara. Porcelanosa ka shumë lloje kabinash. Vizitoni dyqanin ose shihni këtu disa prej tyre.

4. Sistemi ngrohës

Elementi më shqetësues në banjë është padyshim radiatori, sepse zë një vend të konsiderueshëm. Zgjidhja e rekomanduar është përdorimi i sistemit ngrohës nga dyshemeja, e quajtur ndryshe dysheme radiante. Përveçse është më efikase në shpërndarjen e ngrohtësisë, kursen edhe më shumë energji.

5. Rregulli

Ndonjëherë nuk ka element më të bukur dekorimi sesa vetë rregulli. Palosja e peshqirëve dhe vendosja në radhë e shampove dhe kremrave të trupit, përveçse të jep një ndjesi paqeje dhe qetësie, të bën të kuptosh se hapësira jote është më e madhe sesa ti mendoje.

6. Aksesorët

Elementet që bëjnë diferencën. Nëse për hidrosanitaret këshillohet të jenë sa më të thjeshta, moderne dhe kontemporane, për aksesorët është krejt e kundërta, sepse ato janë elementet që mund të krijojnë atmosferën. Aksesorët duhet gjithmonë të tërheqin vëmendjen me materialet dhe dekoracionin. Në Porcelanosa gjetëm një gamë të mrekullueshme dhe tepër cilësore aksesorësh. Shfletoni këtu disa prej tyre.

7. Shfrytëzimi hapësinor

Elementi më i rëndësishem në banjë është lavamani (sidomos për femrat). Aty kryhen një serë funksionesh, prandaj kur kemi hapësirë të vogël, duhet të përdorim lavamanë të sheshtë që të shfrytëzojmë pjesën e poshtme.

Lavamanët sospeso janë tepër të rekomandueshëm, sepse të lejojnë të shfrytëzosh hapësirën poshtë tyre. Kjo hapësirë mund të shfrytëzohet për të vendosur rrobat e palara apo si mbajtesë peshqiresh dhe aksesorësh të tjerë. 

Nëse një banjë është e mirëorganizuar, atëherë mund të themi se ka vend për të gjitha. Por ky organizim apo shpërndarje funksionale, siç quhet ndryshe, është në dorë të profesionistëve, prandaj Porcelanosa ka vënë në dispozicion arkitektët e saj për të zgjidhur çdo problem dhe dëshirë tuajën. Frymëzohuni nga produktet që Porcelanosa ka vënë per ju ne dispozicion në këtë faqe.

Copyright Anabel.al / Ndalohet ribotimi pa lejen e redaksisë.