Metropolitan

Historinë e dashurisë së Emmanuel Macron s'e keni parë as në përralla

Historinë e dashurisë së Emmanuel Macron s'e keni parë

Ai është ylli në ngjitje në arenën politike europiane - një lider i ri, karizmatik, që hoqi dorë nga drejtimi i partisë socialiste franceze, për të krijuar lëvizjen e tij politike dhe tani në zgjedhjet presidenciale të Francës, kryeson përballë katër kandidatëve të tjerë. Por burri që shumë shpejt mund të vendoset në krye të shtetit francez, njihet edhe me një tjetër emër: ‘chouchou’, i përkthyer ndryshe ‘kafsha shtëpiake e mësueses’. Dhe ka një arsye për këtë. 39-vjeçari Emmanuel Marcon është i pashëm dhe inteligjent dhe veç titujve politikë, bashkë me bashkëshorten e tij Brigitte Trogneux, kryesojnë titujt e revistave të modës. Brigitte është 25 vite më e madhe se Macron, madje ka qenë dhe mësuesja e tij e letërsisë në gjimnaz. Kjo shpjegon dhe nofkën.

Historinë e dashurisë së Emmanuel Macron s'e keni parë

Të dy janë njohur kur Macron ishte 15 vjeç dhe studionte në shkollën Jésuites de la Providence në Amiens, në veri të Francës. Zonja Trogneux, e njohur në atë kohë si Brigitte Auzière, jepte leksione letërsie dhe drejtonte klubin teatral të shkollës. Ajo ishte 40 vjeç, e martuar dhe kishte tre fëmijë, madje një prej vajzave të saj ishte në të njëjtën moshë me Macron. Ky i fundit shumë shpejt u bë i preferuari i saj. “Në klasë ajo gjithmonë i referohej atij si shembull,” rikujton një shok klase i Macron. “Ai shkruante poezi gjatë gjithë kohës dhe ajo i lexonte me zë të lartë.” Romanca lulëzoi një vit më vonë, kur të dy nisën të punojnë bashkë për një dramë në shkollë. “Të shkruarit na bashkoi më shumë,” tregoi më vonë Brigitte. “Ne shkruanim dhe pak nga pak unë mrekullohesha nga inteligjenca e tij. Nuk ishte si gjithë të tjerët. “Askush nuk do ta dijë në ç’moment historia jonë u kthye në një histori dashurie. Ajo na takon neve. Është sekreti ynë.”

Prindërit e Macron sidoqoftë nuk ishin aspak të emocionuar për këtë lidhje. Kur tregoi në shtëpi që ushqente ndjenja për dikë nga familja Auzière, të gjithë menduan se bëhej fjalë për vajzën e Brigitte. Kur mësuan të vërtetën e dërguan me studime në Paris. Megjithatë Macron ishte i vendosur: “Nuk do të më heqësh qafe,” i tha mësueses së tij para se të largohej. “Cfarë do të bësh, ne do martohemi.” 

Dhe kishte të drejtë. Të dy flisnin çdo ditë në telefon derisa Macron mbushi 18 vjeç. Atëherë Brigitte e la të shoqin dhe gjeti një vend pune në Paris për të qenë pranë Macron-it. Që prej asaj kohe kanë qenë bashkë dhe në 2007-ën u martuan. Në dasmën e tyre Macron falënderoi fëmijët e saj që e pranuan lidhjen, duke shtuar se ata ‘nuk ishin një çift normal, por një çift që ekzistonte’. Me një mësuese si Brigitte në krah, ylli politik i Macron është rritur në mënyrë spektakolare: ai krijoi pasurinë e tij duke investuar në bankë, iu bashkua partisë socialiste, në 2014-ën u emërua ministër i ekonomisë, detyrë nga e cila hoqi dorë një vit më parë për të themeluar ‘En Marche’, një revolucion demokratik që drejtohej nga të rinjtë. Me rritjen e profilit profesional, edhe jeta e tij private përbënte interes për francezët. Tani në moshën 64-vjeçare, Brigitte është kthyer në një ikonë stili. Shpesh gjendet në radhën e parë në shfaqjet më prestigjioze të modës dhe me flokët bjonde, lëkurën e grunjtë, pantallonat e lëkurës dhe fustanet e shkurtra, duket më shumë si modele sesa si një mësuese letërsie.

Historinë e dashurisë së Emmanuel Macron s'e keni parë

Gazeta franceze ‘L’Express’ e ka përshkruar stilin e saj si ‘rock’n’roll’, që nuk i vendos kurrë vetes kufij por guxon shumë. Por Brigitte ka patur dhe vazhdon të ketë një ndikim shumë të madh tek karriera e Macron. Ajo e ndihmonte të përgatiste fjalime dhe bëhej pjesë e mbledhjeve të rëndësishme krah të shoqit. Madje të gjithë kohën e kalon pranë tij, lexon dhe dëgjon gjithçka që ka të bëjë me të, këshillohen me njëri-tjetrin dhe persona pranë të dyve tregojnë si Marcon sillet si ‘një fëmijë i vogël’ para saj. Ky i fundit ka këmbëngulur që nëse zgjidhet president, gruaja e tij do të ketë një rol kyç në drejtimin e vendit.

Megjithatë jo të gjithë i kanë kaq përzemër, edhe pse diferenca e tyre në moshë është e njëjtë me atë të Donald dhe Melania Trump. Në shkurt martesa e tyre është quajtur një mashtrim, sipas tyre për të mbuluar faktin që Macron kishte një lidhje homoseksuale me Mathieu Gallet, 40-vjeçarin në krye të Radio France. Marcon u detyrua të japë një deklaratë publike në televizion ku mohoi gjithçka. “Unë jam ky që jam. Nuk kam patur kurrë asgjë për të fshehur. Dëgjoj që njerëzit thonë se kam një jetë secrete. Nuk është e këndshme për Brigitte t’i dëgjojë këto. Sepse unë i ndaj të gjitha ditët dhe netët e mia me të,” u shpreh Macron. Brigitte nga ana tjetër do të vazhdojë të qëndrojë në krah të së shoqit gjatë këtyre zgjedhjeve dhe në gjithë rrugëtimin e tij politik: Sepse gratë këtë bëjnë! 

REELS

JETOJ NË EUROPË DHE FUNKSIONON NDRYSHE PËR VAJZAT E NDRYSHE PËR DJEMTË

Stresohesh vetëm nga mendimi që vera na tha “mirupafshim” dhe duhet të bësh gati kostumin e të rriturit për rutinën vjeshtake? Ugh, s’je vetëm. Zgjidhjen s’e kemi ne, por dimë një vend ku hallet e një viti të tërë zgjidhen për punë minutash: në @toptanishoppingcenter Shkoni me vrap, ka plot ofertaaa!

Gjyqi, që u zhvillua për një incident të pretenduar në vitin 2018, u ngrit nga një ish-rojë sigurie, Emani Ellis, e cila pretendonte se reperja e kishte sulmuar me fyerje racore. Vendimi i trupit gjykues e liroi Cardi-n nga çdo detyrim për të paguar dëmet në shumën 24 milionë dollarë.

Sa lekë duhen për të shtyrë muajin në Monaco

Si do e përshkruanit verën tuaj? 🌊

Si ju duk 💍 Georgina 💍 në Festivalin e Filmit në Venecia?

Fatmirësisht, cikli po thyhet! 🤣

Unë nuk jam natyrë dramatike Prapë unë:

Aktori i madh Timo Flloko, tenori dhe soprano me famë botërore, Saimir Pirgu dhe Ermonela Jaho, u bënë bashkë në një mbrëmje të jashtëzakonshme në kalanë e Kaninës në Vlorë. “Yjet mbi Kaninë” është edicioni i dytë i një aktiviteti i konceptuar nga regjisorja e njohur Vera Grabocka, që nisi në Butrint dy vjet më parë. *E ftuar speciale e natës ishte Aurela Gaçe, e cila i zhveshi interpetuesit e mëdhenj nga “ngurtësia” e operës, për pak muzikë popullore vlonjate.

Një burrë shkaktoi zemërim në rrjet, pasi u kap nga kamera duke i rrëmbyer kapelen e tenistit polak, Kamil Majchrzak, nga duart e një tifozi të vogël në US Open. Skena e pahijshme ndodhi të enjten pasdite, ndërsa Majchrzak përshëndeste tifozët dhe shpërndante autografe pranë fushës, pas fitores epike me pesë sete kundër tenistit numër 9 në renditje, Karen Khachanov, sipas pamjeve të transmetimit live.