Në një njoftim të dhimbshëm në Twitter, show-girl italiane Elisabetta Canalis, e cila priste një fëmijë nga partneri i saj, Brian Perri, ka treguar se shtatëzënia e saj është ndërprerë: “Do të kisha dashur ta filloja këtë postim në një mënyrë tjetër, para se gjithash duke falenderuar të gjithë njerëzit, nënat dhe nënat e ardhshme, të cilat më kanë shkruar gjëra shumë të bukura”, shkruan Canalis. Në paragrafin pasardhës: “Për fat të keq, jeta na vë para një realiteti të hidhur, të cilin nuk e prêt e që është shumë i dhimbshëm për t’u përballuar, edhe nëse mendon se je e fortë dhe gati”.
Dhe më tepër: “Më besoni, shumë herë kam dashur ta ndaj këtë gëzim të madh, arritjen e fëmijës, me ju, por mendova t'i jepja vetes kohë,pasi ishte ende shpejt dhe siç më kishin këshilluar të gjithë, nuk thuhet derisa bën tre muaj. Kam kaluar disa javë të vështira, shtypi e mësoi për gjendjen time, më parë nga ç’kisha unë dëshirë ta bëja publike…kjo ndodh kur njeriu është personazh publik dhe nuk është faji i askujt. Gjithësesi, gëzimi për ta ndarë me botën më përkiste mua. Një lumturi…e pamasë”. Ajo vazhdon më tej: “Është e kotë t’ju them se e kisha planifikuar jetën time, këto 3 muaj të fundit. Kush e ka kaluar këtë eksperiencë e di mirë. Dëshiroj t’iu them atyre grave që po kalojnë të njejtën situatë, që të jenë të forta dhe që nuk është faji i askujt, pasi natyra vepron në rrugë të pakuptueshme. Ne mundemi vetëm ta pranojmë. E dëshiroj t’iu them që jam afër jush, nëse po vuani ashtu sip o vuaj unë, pasi është e kotë ta mohoj, që po ndiej një dhimbje të pashpjegueshme por konstante, që nuk largohet. Jam me fat pasi kam një burrë që më qëndron afër dhe shpresoj që edhe ju ta keni. E ardhmja është plot me surpriza dhe me lumturi dhe unë ju uroj shumë nga të dyja…unë vazhdoj ta besoj. Ju falenderoj për dashurinë që më keni dhuruar në këto rrethana".
Burimi: Il Giornale
