Logan Paul dhe Nina Agdal janë zyrtarisht burrë e grua! Çifti i njohur është martuar në Itali dhe lajmin e ka bërë me dije Jake, vëllai i Paul, i cili publikoi një video nga ceremonia, duke shkruar: “Jam duke qarë, vërtet”.
Në video shfaqej modelja daneze, 33 vjeç, e cila po lexonte një pjesë të betimeve të saj, ndërsa Paul dukej i prekur.
Nina kishte veshur një fustan të bardhë me dantellë, pa rripa, ndërsa Paul, një xhaketë të bardhë dhe pantallona të zeza.
Modelja e “Sports Illustrated” dhe influencuesi ndezën thashethemet për një romancë në verën e vitit 2022, kur u panë duke u puthur në Londër. Më tej, ata u shfaqën në një tjetër takim romantik në New York.
Nina Agdal, e njohur edhe për lidhjen e saj me Leonardo DiCaprio-n, e bëri zyrtare lidhjen me Logan në Instagram për Vitin e Ri, duke postuar një foto të tyre, duke u përqafuar.
Një burim bëri me dije për Daily Mail në korrik 2023 se çifti u fejua në hotelin prestigjioz “Passalacqua” në liqenin Como, ku një dëshmitar tha se Paul dhe Nina “ranë në gjunjë dhe u përqafuan në tarracën e hotelit”, pasi ai i propozoi.
Më pak se një vit më vonë, në prill të vitit 2024, çifti i njohur njoftoi se po prisnin fëmijën e tyre të parë, në një postim të përbashkët emocionues në Instagram.
“Një tjetër Paul vjen këtë vjeshtë”, shkruhej në mbishkrim, ndërsa çifti shfaqej duke u puthur. Në shtator, Logan dhe Agdal zbuluan se ishin bërë prindër të një vajze, të quajtur Esmé.
