Prej kohësh, kantautori i njohur Flori Mumajesi ndodhet në Kosovë dhe kaq ka mjaftuar që mediat të aludojnë rreth motiveve që e çuan atë drejt Prishtinës. Para pak kohësh, u përfol se shkak i vendimit të tij ishte një lidhje e mundshme me një vajzë kosovare, edhe pse  ky lajm mbeti i pa konfirmuar.

Burime të reja nga “Bluetooth” tregojnë se është pikërisht një romancë e re e tij ajo e cila e ka shtyrë këngëtarin të zhvendoset drejt vendit fqinj. Thuhet se Flori aktualisht bashkëjeton me prezantuesen nga Prishtina Liberta Spahiu, ku prej muajsh po jetojnë një histori dashurie.

Moderatorja e “Prive” në “Klan Kosova”, më parë ka qenë e përfolur për lidhjen e saj me Getoar Selimin. Sipas burimeve pranë çiftit, Flori dhe Liberta duken më shumë se të lumtur pranë njëri-tjetrit, mbështetur kjo dhe në dëshminë e fqinjëve pranë tyre, të cilët pohojnë se ata janë kudo bashkë. Ndërkohë asnjëri prej të dyve nuk ka dhënë asnjë koment rreth lajmit.