Mund të themi se shoqëria është emancipuar, se gruaja po ndihet gjithmonë e më e lirë, më e hapur dhe më shumë vetvetja.

Qoftë kjo e vërtetë ose jo, disa gjëra duket se nuk ndryshojnë kurrë. E kemi fjalën për disa gjëra të jetës së përditshme, që edhe pse janë shumë të vogla dhe ne tashmë jemi mësuar, flasin shumë për mungesën e lirisë në jetën e një femre.

Të mbash çelësat në xhep si armë kur kthehesh vetëm në shtëpi, nëse dikush të sulmon.

Të ulësh volumin ose të heqësh kufjet fare, sepse ke frikë se dikush do të afrohet dhe ti nuk do ta dëgjosh.

Kur dëgjon hapa pas teje, të ecësh shpejt, por jo shumë shpejt, që të mos dallohet që ke frikë.

Të marrësh në telefon dikë, cilindo, teksa kthehesh në shtëpi, që të duket sikur po të pret dikush.

Të dërgosh me mesazh përshkrimin e plotë fizik të taksistit, targën, vendndodhjen në çdo çast, sepse “nuk i dihet”.

Të shmangësh ecjen vetëm në mëngjes shumë herët apo në darkë vonë, sepse nuk është e sigurtë.

Të vësh unazën e martesës vetëm që të shmangësh ngacmimet e panevojshme nga burra që të lënë të qetë vetëm kur të shikojnë si “pronën” e dikujt tjetër.

T’u japësh burrave emrin dhe numrin e gabuar, sepse ke frikë nga inati i tyre kur i refuzon.

Ta qepësh gojën kur të ngacmojnë me fjalë kur ecën në terezinë tënde, sepse përsëri, ke frikë mos të kthehen me dhunë.

T’i tregosh gjithmonë dikujt ku do të jesh kur takon një djalë për herë të parë.

Të punosh fort edhe pse e di se ka burra që paguhen më shumë për të njëjtin pozicion pune.

Të shtosh gjithnjë një “thjesht” ose “më fal” nëpër fjali, sepse ke frikë se mos tingëllojnë tepër agresive.

Të hiqesh vazhdimisht si e qeshur edhe kur je në kulmin e nervozitetit, vetëm sepse nuk do të të quajnë “ajo k***a”

Por, nga ana tjetër, të mundohesh të mos jesh edhe aq e qeshur, sepse përndryshe, të marrin për mendjelehtë ose si i thonë: “shushkë”.

Të kafshosh gjuhën dhe të durosh sa herë një burrë të ndërpret fjalën në mes.

Ta nisësh bisedën 10 herë nga fillimi që të dalësh aty ku dëshiron.

Të heqësh çdo lloj qimeje nga sqetullat, këmbët, bikini, sepse kjo konsiderohet “e neveritshme”

Të shpenzosh çdo muaj shumë para për periodat, në produkte që ende konsiderohen luks në shumë vende.

T’i fshehësh ato nëpër xhepa dhe kudo tjetër, sepse periodat trajtohen ende si gjëja më e pazakontë në botë, edhe pse i vijnë çdo gruaje një herë çdo muaj.

Të të duhet të sigurohesh gjithmonë se mos je zbuluar më tepër se ç’duhet, sepse mund të konsiderohesh “kuçkë” dhe “e shthurur”.

Të grimohesh vetëm sepse standartet e bukurisë kërkojnë shumë highlight dhe konturim që të quhesh e bukur. Por edhe nëse grimohesh sepse është pasioni yt, të quajnë “fallco”.

Të mendosh dy herë çdo status dhe foto në Facebook ose Instagram se mos nuk do të marrin seriozisht dhe do të tallen me ty ose do të të ngacmojnë, sepse u dukesh shumë “cool” dhe “mendjehapur”.

Të të duhet të merresh me njerëz që të thonë se acarohesh kot se “kamarieri s’e kishte me ty sepse je femër” ose “recepsionisti nuk po të ngacmonte, ashtu të duket ty gjithmonë”, por ti e di fort mirë sepse je gjendur 1 mijë herë në të tilla situata.