Disa njerëz të mirë nga kompania e Instagram-it kanë vendosur të na shpëtojnë ‘ju e dini se çfarë’. Nëse keni dërguar një mesazh gabim ose jeni penduar për diçka që keni shkruar, mos u dëshpëroni.
Tashmë mesazhet në Direct Message mund të çdërgohen falë një opsioni shumë të thjeshtë. Për ta bërë këtë, mjafton të hapni bisedën ku keni bërë gafën e madhe, mbajeni gishtin mbi mesazh dhe nga opsionet e shfaqura, zgjidhni atë “unsend”.
Një lojë fëmijësh praktikisht. Megjithatë, përpara se të mendoni se shpëtuat tërësisht, duhet të dini se kjo nuk do të thotë që personi tjetër nuk e sheh dot. Kjo më saktë varet nga shkathtësia juaj, sepse nëse doni vërtet të shpëtoni, duhet ta fshini përpara se tjetri t’i shohë. Paçi fat, pra!
Burimi: Marie Claire