Një nga njerëzit që ka treguar publikisht mbështetjen për Presidentin e ri të SHBA-ve, është dhe biznesmeni nga Kosova, Behgjet Pacolli.
Gjatë një interviste për RTV Dukagjini, ai shprehu se e njihte personalisht Donald Trump-in dhe familjen e tij. Madje Pacolli theksoi se nuk ka asnjë arsye për t’u shqetësuar, pasi Trump do forcojë marrëdhëniet midis Kosovës dhe Amerikës. Ndër të tjera, biznesmeni dhe njëri nga pasanikët më të mëdhenj shqiptarë, tregoi edhe një episod kur i ishte dashur ta refuzonte takimin me Donald.
“Ka qenë në vitin 2013, kur isha i angazhuar tërë ditën me takime të tjera për njohjen e Kosovës, dhe preferova ta anuloj takimin me Trump. Për mua çdo herë ishte me rëndësi Kosova dhe takimi me Trump ishte për shkak biznesi, por preferova të merrem me vizitat për shtetin e Kosovës”, u shpreh ai.
