Vitet e fundit, uji detox është shndërruar në një fenomen të mirëfilltë përsa i përket të jetuarit shëndetshëm dhe jo më kot.

Uji me infuzion frutash, perimesh ose erëzash, është një shtysë e fuqishme për metabolizmin, e përshpejton atë, shpërndan në mënyrë tepër efikase vlerat ushqyese dhe antioksidantët e shumtë, ndihmon në rinovimin e qelizave të dëmtuara.

Për më tepër, uji detox konsiderohet një mrekulli e vërtetë për eleminimin e fryrjes së barkut. Ja 4 receta super të thjeshta.

Limon dhe kastravec

Përbërësit: ½ kastravec; 1 limon; pak gjethe mente; ujë. Udhëzimet: Lani dhe ndani në feta kastravecin dhe limonin dhe shpëlani gjethet e mentes. Vendosini në një kanë me ujë, përziejini dhe lërini për një natë në frigorifer.

Mango, limon dhe ananas

Përbërësit: 1/3 një gote e mbushur me ananas dhe mango të prerë në kubikë; disa feta limon; ujë. Përbërësit: Përziejini të gjithë ingredientët dhe shërbejeni menjëherë.

Xhinxher me mente

Përbërësit: 1 kastravec i prerë hollë; 5 cm rrënjë xhinxheri i pastruar; 2 feta limon; 10-12 gjethe të freskëta menteje; pakëz kripë. Udhëzimet: Në një enë qelqi, përzieni ingredientët dhe më pas shtoni ujin. Lëreni në frigorifer përbërjen për 3-4 orë dhe më pas shërbejeni.

Luleshtrydhe me borzilok

Përbërësit: 10 luleshtrydhe; 2 feta limon; lëngun e një gjysme limoni; një grusht gjethesh borziloku; 3 litra ujë. Udhëzimet: Në një enë qelqi, përzieni ingredientët dhe më pas shtoni ujin. Lëreni në frigorifer përbërjen për 3-4 orë dhe më pas shërbejeni.

Burimi: Byrdie