Rreth dy vite më parë, u raportua se këngëtarja Zanfina Ismajli i kishte dhënë fund lidhjes 10- vjeçare me partnerin, biznesmenin Faton Shoshi. E pyetur për shkaqet e ndarjes, në një intervistë zhvilluar gjatë asaj periudhe, këngëtarja pohoi se: “Asgjë nuk zgjat përgjithmonë".

Pas ndarjes nga Shoshi, Zanfina u tregua e kujdesshme veçanërisht për ta mbajtur jetën e saj private larg vëmendjes mediatike. Por, një video e publikuar së fundmi nga 'Prive', ku këngëtarja kosovare shihet nën shoqërinë e një burri, na bën të mendojmë që ashtu si ish-i dashuri i saj, që përfitet për lidhjen me Era Istrefin, edhe Zanfina e ka marrë veten nga ndarja e bujshme. Në videon e bërë publike, Zanfina dhe burri, identiteti i të cilit nuk dihet, shfaqen duke hyrë në një kompleks të ri apartamentesh në lagjen “Arbëria” në Prishtinë.

Sipas disa informacioneve të "Prive.al", nuk është hera e parë që dyshja shihet bashkë. Por, kjo është hera e parë dy vite pas ndarjes, që këngëtarja kosovare përflitet për një lidhje të mundshme.