Më shumë se një martesë, ky bashkim i vajzës së oligarkut çeçen, Elina Bazhaeva, me sipërmarrësin Bek Ali Khan Mamakaev, ishte një ceremoni madhështore.
Dasma u realizua në Monaco në restorantin Le Louis XV dhe ishte një shfaqje e vërtetë. Por sigurisht, që të gjithë e kishin mendjen tek fustani i nuses. Kryevepra e realizuar nga stilisti libanez Zuhair Murad, kushtonte 240.000 paund. Në ceremoni ishin të ftuar vetëm 100 njerëz, në përputhje me zakonet çeçene. Përgjatë gjithë ceremonisë, dhëndri qëndroi veçmas nuses për të mos e parë atë.
'Daily Mail' shkruan se çifti u njoh në shkurt të këtij viti dhe Mamakaev i propozoi asaj vetëm dy muaj më vonë. Ai është zotëruesi dhe drejtuesi i grupit Dorchester Finance si dhe firmës kozmetike Alima.
Dasmat çeçene paguhen nga familja e dhëndrrt dhe të ftuarit janë kryesisht pjesëtarët e familjes së tij. Për familjen e nuses, kjo ngjarje konsiderohet si një moment i dhimbshëm.
