Keshilla Arredimi

Për vajzat që duan të ndihen pak franceze, ky është detaji që ju duhet!

18 Korrik 2016

Për vajzat që  duan të ndihen pak franceze, ky është

Flokë të shpurpurisura, xhinse të vjetra, të grisura dhe një palë atlete: këto na vijnë në mendje kur mendojnë një vajzë franceze që nuk e vret shumë mendjen për atë që të tjeët mendojnë, por për atë që ndodh brenda botës së saj. E nëse tentojmë të futemi në këtë botë detajesh, do kuptojmë që nuk është vetëm imazhi ai që e bën të tillë.

Do pyesni ku fillon i gjithë ky sharm apo kjo aureolë elegante? Në fakt, fillon në shtëpi. Me siguri imagjinoni një apartament parizien me një tapet të vogël të blerë në tregun e gjerave të përdorura, një set me produkte kozmetike për lëkurën dhe një bibliotekë të mbushur me libra. Megjithatë ka një gjë që vajzat franceze e mbajnë në shtëpizën e tyre dhe që përmbush të gjithë pikturën. “Ka gjithmonë lule në apartamentet franceze. Edhe nëse nuk janë lule, aty do gjesh gjithmonë një bimë ose një akuarium të vogël peshqish” shpjegon Cindy Bruna, ëngjëlli francez i “Victoria’s”. Sipas saj, çdo lloj kafshe shtëpike është thelbësorë për një shtëpi të vogël. Tendenca vjen që nga jugu i Francës, nga fushat e Provencës dhe bima e livandos. Vetë Bruna preferon t’i mabjë lulet në dhomën e ndenjtjes, ambjenti që shohin fillimisht të gjithë mysafirët. “Lulet janë përgjithësisht gjëja e parë që ata shohin. Unë ble lule ndonjëherë, edhe sikur në formë dhurate për veten time. Mbajnë erë të mirë dhe duken bukur, përse të mos i duash?” shpjegon ajo.

Doni të dini një sekret: Flisni me lulet. Kjo gjë do i ndihmojë të rriten. E ndërsa lëvizim nëpër profilet e blogereve franceze në Instagram, kuptojmë që ato vërtet i adhurojnë lulet. Caroline de Maigret, Jeanne Damas, Lou Doillon apo Sabina Socol: Kanë kaq shumë lule në apartamentet e tyre, saqë Dmas për shembull e quan vendin ku jeton “një treg lulesh”. Për vajzat që jetojnë vetëm dhe duan të ndihen pak franceze, ky është detaji që ju duhet!

MOS I HUMBISNI