Pasi iu desh të shiste një pjesë të koleksionit të tij të artit për të përballuar betejën e kushtueshme për divorc nga Amber Heard, Johhny Depp duket se ka gjetur një mënyrë tjetër për të ngushëlluar veten. 53-vjeçari, i cili pak pas martesës me aktoren bëri tatuazh në dorë nofkën e saj Slim, duket se i ka bërë një modifikim aspak të këndshëm tatuazhit i cili tashmë shkruan "Scum" (Llum).
Aktori është filmuar teksa regjistronte një mesazh në radio dhe një fans syshqiponjë, ka vënë re ndryshimin në dedikimin që Depp i kishte bërë dikur ish-bashkëshortes. Kjo nuk është hera e parë që ylli i “Piratët e Karaibeve” bën diçka të tillë. Gjatë një lidhjeje të shkurtër që ai pati me aktoren Winona Ryder në fillim të viteve ’90, Depp i dedikoi asaj një tatuazh ku shkruhej “Winona Forever” (Winona përgjithmonë). Pas ndarjes, tatuazhi u transformua në “Wino Forever”.
Burimi: Dauily Mail/ përshtati: Kristi Tashi
