Zanfina Ismajli ishte duke udhëtuar për në Shkup me makinën e saj të tipi Land Rover, kur është përplasur me makinën e një shtetasi maqedonas. Këtë e ka bërë publike Prive. Dhe duket se për këtë incident ka qenë përgjegjës personi nga Maqedonia, ndaj të cilit Policia Maqedonase do të marrë masa.
Për fat të mirë, nuk ka pasur asnjë dëm fizik në këtë aksident. Goditja e fortë ka shkaktuar vetëm dëme materiale. Mësohet se këngëtarja ka qenë duke udhëtuar për në Shkup për çështje personale.
Një muaj më parë, motrat Ismaili humbën mamanë e tyre, pas luftës me një sëmundje të rëndë që i mori jetën shpejt. Zanfina ka shprehur publikisht dhimbjen për këtë humbje, duke e kujtuar në ditëlindjen e vet të 30:
‘Sot është ditëlindja ime dhe saktësisht 15 ditë që kur ti shkove… I jam lutur shumë Zotit që ti ta presësh ditëlindjen time me mua, por vullneti i tij ishte që ti të shkoje dhe të më lije vetë,. Dhoma jote mbeti e zbrazët, ashtu si shpirti im tani. Tash, siç ke qenë gjithmonë, je ëngjëlli im mbrojtës. Të dua mami, më shumë se veten!’
