Albani, vëllai i Dr. Florit priti ardhjen në jetë të djalit të tij të parë nga bashkëshortja Eneida. Ata vendosën që djalin e tyre ta quanin Floran- për nder të xhaxhait të tij të ndjerë, Florian Kondit.
Pas humbjes, kjo lindje ka sjellë hare në familjen e Dr Florit: Gruaja, vajza Kaltrina, djali Daniel dhe nëna e tij, Shpresa Kondi, janë mbledhur rreth të porsalindurit dhe në një foto të postuar nga vetë Blerina në Instagram, duket sesi e vështrojnë plot dashuri. Kaltrina i buzëqesh e po kështu nëna e Dr. Florit, e cila duket shumë e lumtur për ardhjen në jetë të nipit të saj.
‘Të gjithë te Florani!’, shkruan Blerina duke shprehur dashurinë për të, e nga miqtë e tyre kanë ardhur urime të përzemërta: ‘Me jetë të gjatë e të lumtur zemër’, i shkruan Amarda Toska. Një mike shumë e afërt e familjes është këngëtarja Aurela Gaçe: ‘E paçi me jetë të gjatë e plot bekime qoftë jeta e tij!’, ka qenë urimi i saj. ‘Zoti e bekoftë’, shkruan Albana Osmani.
Floran Kondi erdhi në jetë më 14 maj 2016, 6 muaj pas martesës së Albanit me Eneidën. 'Ai do të më thërrasë 'Nënë'!' shkroi në rrjetet sociale Eneida, për të shprehur emocionet në këtë ditë të paharrueshme.
