Mos pini kafe: Stimulantët që ndodhen në kafe e bëjnë lëkurën tuaj më të ndjeshme, duke shkaktuar kështu më shumë dhimbje.
Pastrohuni më parë: Edhe pse qëllimi i depilimit është largimi i qimeve, gjatë proçesit ndodh edhe largimi i copëzave të lëkurës. Përdorni solucion lëkure që lëkura juaj të mos jetë e thatë, pasi lëkura e vdekur ngelet tek dylli dhe bën që qimet të mos kapen mirë.
Investoni në një krem mpirjeje: Mos e përdorni menjëherë përpara depilimit me dyll, pasi do ti bllokojë poret e lëkurës, duke e bërë depilimin shumë më të vështirë. Përdoreni 30 minuta përpara takimit me estetisten, që të lehtësoni dhimbjet.
Mos shkoni menjëherë pas ciklit: Pragu i dhimbjes është më i lartë, pasi ju ka kaluar cikli menstrual, prandaj planifikojeni takimin, pak ditë pasi ju kanë kaluar.
Merrni aspirinë: 45 minuta përpara takimit, pini 2 aspirina me një gotë me ujë. Do të jeni gati për depilim, në kohën e duhur.
Bëni një banjë në ujë të ngrohtë: Nëse keni kohë, bëni banjë 20 minuta përpara se të depiloheni. Uji i ngrohtë zgjeron poret dhe zbut qimen.
Merrni frymë: Kjo është gjëja më e vështirë për të bërë. Reagimi juaj natyral është të mbani frymën dhe të tensionoheni, pasi trupi e di që do të ndjejë dhimbje. Bëni përpjekje të merrni frymë rregullisht dhe mundohuni të nxirrni frymën, kur strisha e dyllit tërhiqet.
Sigurohuni që qimet janë në gjatësinë e duhur: Shumë të shkurtra dhe dylli nuk do ti tërheqë, shumë të gjata dhe kanë nevojë të prihen, para depilimit. Kur depiloheni, duhet të siguroheni që qimet kanë gjatësi rreth 6 mm.
Vishni rroba të lirshme më pas: Një ose dy ditë pas depilimit, vishni të brendshme pambuku dhe pantallona të lirshme ose funde, në mënyrë që zona të ajroset dhe të mos irritohet nga materiali i veshjeve.
Mos përdorni brisk: 3 javë para depilimit, mos përdorni brisk, pasi qimja bëhet rezistente ndaj dyllit.
Mos u depiloni nëse jeni djegur nga dielli: Mos u depiloni, nëse keni skuqje të lëkurës nga dielli, pasi lëkura është mjaftueshëm e irrituar.
Kthehuni dhe kollituni: Kthejeni kokën anash dhe kollituni, ndërsa strisha e dyllit është gati për t’u tërhequr. Kjo ju ndihmon, pasi ju largon vëmendjen nga proçesi i dhimbshëm.
Burimi: Beauty.com
