Për herë të parë që prej prezantimit të tij në vitin 2010, aplikacioni Instagram ka ndryshuar logon e tij ikonike. Logoja e tij retro është zëvendësuar nga një tjetër, me ngjyrat lejla, rozë dhe portokalli, ndërkohë që menutë dhe sfondi janë bardh e zi.
Instagram ka shpjeguar se dizajni i ri, reflekton mënyrën sesi aplikacioni ka ndryshuar që nga krijimi i tij. Kur ai doli fillimisht në treg, me emrin “Burbn”, u bë i njohur për filtrat e shumtë interesantë që i jepnin fotove një pamje retro. Tashmë Instagram është shndërruar në një fenomen social, i cili përdoret edhe për qëllime fitimprurëse.
Burimi: Telegraph/ Përshtati: Kristi Tashi
