Eneda Tarifa ka zgjedhur 2 fustane me shkëlqim për ditët 'Eurovisionare', ndërsa afrohet gjithmonë e më shumë performanca e 12 majit. Në tapetin e kuq të eventit të hapjes së Eurovision 2016 më 8 maj, ajo është shfaqur me një fustan ngjyrë argjendi të dizenjuar nga Bora Kokëdhima. Fustani i gjatë, me një jakë me pala të ngrira, ishte zgjedhja e saj për prezantimin përpara shtypit. (foto 2)
Po në këtë stil do të jetë edhe veshja e saj në skenën e Stokholmit në gjysmë-finalen e dytë më 12 maj. Ajo do të performojë me një fustan të gjatë ngjyrë floriri, përsëri me një punim me pala në anën e djathtë të bustit dhe në pjesën e poshtme. Sipas gazetarëve të Wiwibloggs, Eneda është shfaqur në provën e dytë zyrtare si 'një statujë floriri'. Dyshemeja e skenës do të ngjyroset me të verdhë, duke dhënë iluzionin se fustani është aq i gjatë, sa mbulon skenën.
Eneda do të performojë 'Fairytale' e 17-a në gjysmë-finalen e dytë të Eurovisionit, më 12 maj. Ndiqni videon nga prova me fustanin e saj:
