Angelina Jolie e veshur si për rolin e saj në Maleficent shfaqet në kopertinën e Entertainment Weekly. Përveç Jolie, duket qartë në skenë edhe vajza e saj Vivienne. Vivienne luan rolin e princeshës së vogël Aurora, që siç pritej duket ëngjëllore me fustanin e saj të bardhë, në krah të nënës së saj, e cila luan rolin e një shtrigë të keqe me brirë ( e keni parasysh një aktivitet normal nënë – bijë.)
Jolie ka shpjeguar për revistën se pesë vjeçarja e mori rolin vetëm sepse ishte e vetmja fëmijë që nuk terrorizohej nga maskimi i Jolie. “Ne mendojmë se është argëtuese ti kesh fëmijë me vete e ti marrësh në sheshxhirim ndonjëherë por jo për tu bërë aktor. Nuk është ky qëllimi jonë , i imi dhe i Brad-it, aspak! “Por fëmijët tre – katër vjeçar nuk më afroheshin dot. Duhet të ishte një fëmijë që nuk kishte frikë nga unë, nga sytë dhe kthetrat, kështu që na u desh të merrnim Vivin.”
Kostumi i Jolie ishte mjaftueshëm i frikshëm sa për të frikësuar fëmijët, tregoi ajo. “Kur Pax më pa për herë të parë, u largua dhe u trishtua – mendova mos po bënte shaka, kështu që po bëja sikur e ndiqja, derisa e gjeta duke qarë seriozisht.” Fatmirësisht Pax e kaloi frikën dhe ai e Zahara shfaqen në disa pjesë të filmit. “Duhet të eci drejt tyre dhe të jem shumë e keqe,” tha Jolie. “Sigurisht që dua të ndaloj e t’u shkel syrin.” “ Shanset janë që këta fëmijë të jenë duke diskutuar kostumin e Maleficent në ndonjë terapi gjatë jetës. Shpresoj që jo.”bëri shaka Jolie.
Burimi: Entertainment Weekly
