“Shoqata e Turistëve” në Suedi, sapo ka publikuar një numër tepër të veçantë telefoni. Është një numër të cilin mund t’a telefonojnë njerëz nga mbarë bota, thjesht për të bërë një bisedë rastësore me një person nga Suedia. Kjo është bërë pasi këtë vit festohet 250- vjetori i heqjes së censurës së vendit dhe për të edukuar të huajt apo njerëzit që jetojnë atje në lidhje me vendin skandinav.
Deri tani, mbi 17.000 njerëz nga e gjithë bota kanë telefonuar dhe kanë folur me suedezë, të cilët pa asnjë trajnim apo udhëzim, kanë rënë dakord të flasin me të huajt rreth vendit të tyre. E ku ka më mirë të dëgjoni rreth një vendi,sesa nga vetë banorët e tij?
Çdo njeri mund t’a telefonojë këtë numër dhe më pas të bisedojë për gjërat që dëshiron të dijë me personin që i është përgjigjur. Personat që përgjigjen në telefon nuk janë të përcaktuar, prandaj sa herë t’i bini numrit do të flisni me një person të ndryshëm. Për të gjithë ata që dëshirojnë të telefonojnë Suedine, numri është: +46771793336.
Burimi: The Verge / Përshtati: Mikaela Brokëri
