E kemi përdorur të gjitha të paktën njëherë atë simbolin me atë vajzën me bluzë rozë në Ëhatssap “për t’u mburrur”. Normalisht me anë të pozicionit të dorës së saj në nënkuptojmë: “Më shikoni sa e mirë jam. Unë kam gjithmonë të drejtë” etj. Por mesa duket e paskemi patur të gjitha gabim.
Më parë, nga krijuesit e saj, simboli njihej si “Vajza e informacionit” ndërsa sipas një teorie të re ajo simbolizon reagimin që femrat bëjnë pasi kanë prerë flokët. Jessi Stern, një planifikuese eventesh nga Toronto, beson se femra është pjesë e një serie me dy emoji. E para është vajza me të njëjtën bluzë, por me flokë të gjata. Dhe më pas ajo shfaqet sërish në pamjen të cilën njohim të gjithë, ku duket se na tregon prerjen e re.
Kjo nuk është hera e parë që simbolet e rrjeteve sociale keqkuptohen. Madhësia dhe konteksti shpeshherë bëjnë që njerëzit t’i interpretojnë ato në mënyra shumë të ndryshme.
Burimi: Daily Mail / Përshtati: Ergisa Bejkollari
