Kylie Jenner është shfaqur në kopertinën e revistës ‘Paper’ me një fotografi të veçantë. Ajo është transformuar në një kukull, por mediat janë në dyshim nëse është thjesht rezultati i një modifikimi artistik, apo e ndërhyrjeve të reja në fytyrën e saj. ‘Ajo nuk njihet më’, shkruan DailyMail për kopertinën e 18-vjeçares, krijuar në formën e një postimi në Instagram, ‘Është kthyer në një Barbie’
Në mars, Kylie la të kuptohej se do të hiqte dorë nga mbushja e buzëve, me anë të një fotoje ku buzët e plota ishin pikturuar sikur fluturonin duke i lënë vendit pamjes së vjetër të Kylie-t. Më e vogla e motrave Kardashian-Jenner ka folur hapur për ndërhyrjen në buzët e saj, duke u shprehur se ishte një pasiguri që nuk e bënte të ndihej mirë me veten. Por pas një kopertine ku shfaqej në një karrige invalidësh që hasi shumë kritika nga shoqatat që mbrojnë të drejtat e njerëzve me aftësi ndryshe, kjo kopertinë e re e vë 18-vjeçaren në qendër të një polemike të re.
Burimi: Dailymail
