Ardit Gjebra, në puntatën e kaluar të rubrikës “24 orë me”, ka treguar një pjesë të realitetit në të cilin jetojmë. Moderatori i njohur, nëpërmjet maskimit, bëri për një ditë rolin e lypësit (lexo këtu). Ai ka treguar historinë e Gentit, një 21-vjeçari i cili dilte përditë në rrugët e Tiranës në përpjekje për të siguruar të paktën ushqimin e tij. Përgjatë ditës, Gjebrea përjetoi se çfarë do të thotë të jesh i padukshëm për një pjesë të madhe të njerzve dhe mënyrën sesi këta persona trajtohen.
Në mbyllje të rubrikës, ai e pyeti Gentin nëse do të ishte i gatshëm të bënte një punë të rregullt, por për Gentin ishte tepër e vështirë të largohej nga ajo çka ai ishte mësuar të bëntë gjatë gjithë jetës së vet. Moderatori ndërkohë ka bërë një tjetër tentativë, për t’i ardhur në ndihmë dhe siç ka shkruar ai në një status në Facebook, me anë të mikut të tij Nikolin Lleshi, ka arritur t’i sigurojë një vend pune në fabrikën e këpucëve në Kamëz.
Ai e ka thirrur Gentin në zyrën e tij dhe i ka ofruar këtë mundësi, të cilën ashtu siç shprehet edhe vetë nëpërmjet postimit të tij, kishte merak sesi do e priste 21-vjeçari. Në fund të takimit, Arditi ka dhënë lajmin e mirë duke treguar se Genti kishte pranuar punën dhe prej javës së ardhshmë ai do të fillojë punë zyrtarisht. Këtë lajm moderatori e ka mbyllur duke thënë: “Nuk është shumë ndoshta, por është një gjë. Kur përpiqëmi bashkë, bëhen shumë gjëra. #tëgjithëbashkëmundemi “
Copyright Anabel.al / Ndalohet ribotimi pa lejen e redaksisë.
