Ajo është 68 vjeç, nënë e 3 fëmijëve, dhe kurrë nuk e ka fshehur zakonin e saj. Catherine Hiller është autore e një libri kujtimesh mbi gjysëm shekulli tymosje të përditshme të marijuanës, dhe ka folur për Esquire lidhur me këtë zgjedhje për stilin e jetesës:
'Unë tymos çdo ditë, ndonjëherë më shumë se 1 herë në ditë. është tejet qetësuese për mua, më jep një lloj dembelizmi euforik' Hiller tregon se ka qenë një zgjedhje që i ka ardhur natyrshëm, që kur e provoi për herë të parë në vitet '60, e që atëherë nuk ka rreshtur. Të vetmet momente kur ka hequr dorë, kanë qenë shtatzanitë: 'Nuk mund të rrezikoja gjatë shtatzanisë, po të kishte diçka që nuk shkonte me beben time, do të isha tronditur'
Për pjesën tjetër, Hiller thotë se nuk ishte një çështje rebelimi ndaj divorcit të herët të prindërve, por një zgjedhje shumë e zakonshme për të rinjtë e brezit të saj. E pyetur në ka tymosur në sy të fëmijëve, ajo përgjigjet: 'Natyrisht, plot herë. Unë nuk jam nga ato që fshehin gjëra. Jam një njeri shumë i hapur'
Catherine rrëfen se është shumë besnike kur vjen fjala tek shitësi i marijuanës: 'Kam 35 vjet që e blej tek i njëjti shpërndarës i cili jeton tek i njëjti apartament i vogël, tërë zhul. Jemi miq prej kohësh, dhe kushdo që hyn atje ka një çelës. është e vetmja mënyrë për të hyrë. Ai është shumë, shumë i kujdesshëm. Njeriu më i kujdesshëm që njoh, ndaj edhe ka mundur ta mbajë biznesin për kaq gjatë'
Hiller tregon se nuk e ndez kurrë brenda në dhomë, pasi bashkëshorti i saj është atlet dhe nuk do që t'i ndikojë tek mushkëritë. 'Dua të tymos pastër', thotë ajo.
Burimi: Esquire/ Përshtati: Genta Hodo
