Albulena Haxhiu, aktiviste dhe deputete e lëvizjes Vetëvendosja, sqaroi dje për herë të parë në një televizion shqiptar, akuzën që asaj i’u bë për fshehjen e gazit lotsjellës në organet e saj gjenitale!
E ftuar në emisionin “Pasdite në Top Channel”, Albulena u pyet nga paneli rreth lajmit që ka qarkulluar në internet që nga 17 shkurti, kur opozita hodhi gaz lotsjellës në korridoret e Kuvendit. “Isha në zyrat e Kuvendit kur pashë deputetët që tërhiqeshin zvarrë. Pas kësaj shkova në zyrat e Vetëvendosjes ku mora gazin lotsjellës. Gjatë hyrjes në Kuvend u kontrolluam nga sigurimi, prandaj u detyrova ta fshihja gazin në brez. Nuk e kam mohuar asnjëherë këtë gjë, por përjetova terror psikologjik kur lexova shpifjen që gazin e kisha fshehur në organet gjenitale. Bashkë me avokatët e mi kemi ngritur një padi penale”, ka thënë ajo.
Deputetja i shqetësoi të gjithë kur humbi ndjenjat si pasojë e afiksimit nga gazi. Ajo tani ka lënë spitalin dhe është duke e marrë kurimin nga shtëpia.
