Ju nuk jeni aq vjeçe sa mendoni, ose në këtë rast aq sa kompjuteri ju thontë. Së fundi Microsoft ka krijuar një faqe interneti që ju tregon se sa i/e vjetër ju dukeni vetëm duke analizuar foton tuaj. Ndonjëherë mund t’ju duket qesharake e ndonjëherë është shumë e vërtetë, kjo varet nga përgjigjja që merrni. Është e thjeshtë: ngarkoni një selfie në how-old.net, prisni disa sekonda dhe ajo do t’ju jap një numër që përkon me moshën tuaj. Në këtë mënyrë ju mund t’i analizoni të gjitha fotot e t’i krahasoni me miqtë dhe familjarët tuaj.
Gjetja e moshës së saktë për dikë është një lojë e rrezikshme edhe kur bëhet fjalë për një robot. Kompania e prezantoi faqen e internet how-old.net në një konferencë të mbajtur në muajin prill. Si pjesë e një iniciative të quajtur “Project Oxford”, Microsoft tha se mund të përdoret teknologjia e zbulimit të fytyrës në rastet kur kemi të bëjmë me shumë foto. Mirëpo kuptohet që njerëzit do e përdorim atë shpesh edhe për veten e tyre dhe për të parë se sa vjeç duken dhe të tjerët.
Burimi: CNN; Përshtati: Klarida Bregaj
