Sipas një sondazhi të kryer nga shoqëria e statistikave ‘Censusëide’, duket se femrat nuk i parapëlqejnë meshkujt që mbajnë mjekërr. Sipas tyre, ka një arsye për këtë zgjedhje në shije. Sipas sondazhit të realizuar në Britaninë e Madhe, meshkujt me mjekërr janë më gënjeshtarë dhe më të pabesë. Dhe jo vetëm; madje janë më të prirur për hajdutëri dhe tradhëti! Lajme të këqija, për të gjithë ata meshkuj që kanë investuar me muaj të tërë për ta rritur mjekrrën të bindur se kështu do t’i tërheqin më shumë femrat.
E në fakt, 47 % e të rinjve me mjekërr që janë marrë në pyetje, kanë pranuar se e kanë tradhëtuar partneren e tyre të paktën 1 herë. Po ata pa mjekërr? Rreth 20% e tyre i kanë tradhëtuar partneret e tyre. Sidoqoftë, shumë më pak se mjekërrgjatët. ‘Por përveçse tradhëtarë, janë të prirur për hajudutëri’. Rreth 40% e tyre kanë pranuar se kanë vjedhur të paktën një herë në të shkuarën, ndërsa 17% e meshkujve pa mjekërr kanë thënë se preferojnë të bëjnë pazar për të ulur çmimin.
Një tjetër aspekt janë mënyra sesi meshkujt me mjekërr i ndërtojnë marrëdhëniet me të tjerët. 47% e tyre kanë pranuar se kanë qenë të paktën 1 herë të përfshirë në një sherr, ndërsa 29% e meshkujve pa mjekërr kanë thënë se preferojnë t’i zgjidhnin konfliktet me debat.
Censusëide ka treguar edhe opinionin e femrave mbi meshkujt me mjekërr. Pa i ditur rezultatet e sondazheve, shumica e femrave janë përgjigjur shumë të bindura se do të zgjidhnin një mashkull pa mjekërr. 65% e tyre kanë parapëlqyer meshkujt që e pastrojnë fytyrën. Mashkulli i tyre ideal ishte një mashkull i pashëm, i parfumosur dhe mbi të gjitha, i rruar. Të tjera detaje nga ky sondazh, do të mund tua ndryshonin meshkujve tërësisht shijet për look-un e tyre.
Më shumë se 1/3-at e femrave të intervistuara preferojnë më mirë një mashkull me thinja sesa një mashkull me mjekërr të gjatë e të dendur. Arsyeja? Gjysma e tyre kanë thënë se mjekrrat e denduar dhe të gjata u duken tregues papastërtie. 39% e tyre kanë thënë se i neverit ideja se në mjekërr mund të mblidhen mbetjet e ushqimeve. Madje atyre nuk u pëlqejnë as mustaqet: 62% e tyre kanë parapëlqyer meshkujt e rruar plotësisht.
Nga ana tjetër, meshkujt me mjekërr raportojnë se në shumë raste kanë pasur problem me punëdhënsit për shkak të mjekrrës. Rreth 43% e tyre kanë treguar se janë pushuar nga puna pikërisht për këtë arsye.
Burimi: repubblica.it
Përshtati: Genta Hodo
