Kur zgjoheni në mëngjes dhe filloni të përgatiteni për punë, si ndiheni? Të motivuar, të emocionuar apo pa pikë dëshire? Nëse i përkisni kategorisë së fundit, kjo mund të jetë një shenjë se jeni gati për një rishikim karriere.
“Karriera nuk duhet të jetë statike. Tre gjëra kryesore që duhet të mbani mend janë: Të fillosh nga e para nuk është dështim, nuk ka asgjë të gabuar nëse nuk përfundoni diçka që e keni nisur dhe nuk është e nevojshme të jeni në të njëjtin pozicion karriere me bashkëmoshatarët tuaj” shpjegon Jill Cotton, eksperte karriere.
Ja pesë gjërat që mund të bëni nëse nuk keni motivim dhe doni të ndryshoni karrierë:
#1 Si t'i jepni vetes hapësirë për të eksperimentuar
"Rishikimi i karrierës është në thelb i pasigurt," thotë Iris Smyth, trajnere e ndryshimit të karrierës. "Truri ynë nuk e pëlqen pasigurinë, kështu që ne përpiqemi të bëjmë atë që mundemi për t'i hequr këto pasiguri".
Studimet tregojnë se të bëni ndryshime gjatë karrierës, duke i dhënë mundësi vetes për gjëra të reja është një mundësi e mirë për të vendosur se çfarë do të bëni më pas.
#2 Si të përgatiteni financiarisht
Është e kuptueshme që të shqetësoheni për paratë, sidomos nëse mendoni të bëni ndryshime sa i takon punës apo karrierës. Filloni të rindërtoni një plan të shpenzimeve aktuale për gjashtë muajt e ardhshëm, planifikoni një buxhet të kufizuar duke hequr dorë nga blerjet e panevojshme për të krijuar një standard sigurie financiare.
#3 Si të zgjeroni aftësitë tuaja
Transformimi i një karriere nuk ka gjasa të ndodhë brenda natës, por angazhimi për ndryshimin e karrierës do t'ju ndihmojë të arrini atje. Në të vërtetë, disa punë mund të kërkojnë kualifikime specifike, prandaj përgatituni të përkushtoheni në aftësitë që ju nevojiten për karrierën tuaj të re, nëse nuk i keni ato.
#4 Si të ndërtoni një rrjet kontaktesh
Nëse jeni duke kërkuar të ndryshoni gjërat dhe të hyni në një mjedis të ri, mos e nënvlerësoni fuqinë e krijimit të një rrjeti, duke nisur që nga kontaktet me njerëzit, kolegë, drejtues, por edhe njoftimet virtuale, postimet për vende të reja pune etj.
#5 Si të ndryshoni punën, pa ulur nivelin e pagës
"Përpara se të merrni ndonjë vendim, dijeni vlerën tuaj," thotë Cotton. Merrni informacione dhe bëni disa llogari për nivelin e pagave për të përcaktuar vlerën e tregut dhe atë të karrierës apo pozicionit ku doni të shkoni.
Artikuj të sugjeruar:
Burimi: Stylist
