Ka një arsye pse e zeza është një nga, për të mos thënë ngjyra *më* klasike nga të gjitha. Është elegante, e përjetshme dhe e sofistikuar, veçanërisht kur vishet vetëm, pa u thyer më ndonjë ngjyrë tjetër.
Megjithatë, ekziston një mënyrë për ta bërë të zezën të duket edhe më e këndshme. Kjo do të thotë, ta stilosh atë me blunë e thellë, ngjyrën tjetër neutrale të preferuar të modës. Nuk na besoni? Atëherë besoni Jennifer Lawrence, e cila ka kaluar javën e fundit dimërore në New York City duke veshur pikërisht këtë kombinim ngjyrash.
Aktorja, e cila aktualisht është në pritje të fëmijës së saj të dytë, u pa vetëm disa ditë më parë e veshur me këtë kombinim: një pallto ngjyrë blu të thellë, pantallona të zeza dhe këpucë të zeza të sheshta.
Vetëm pak ditë më vonë, Lawrence u pa në qytet edhe një herë, pasi kishte ndërruar pallton e saj me një pallto të ngjashme, por maxi Dior kësaj radhe. Këtë herë, ajo i kombinoi pantallonat dhe këpucët e saj të zeza me një këmishë me kopsa, syze dielli me ngjyrë të kuqe, duke i dhënë më shumë ngjyra kombinimit, por gjithsesi duke u veshur kryesisht në blu dhe të zezë.
Shikoni dhe këto rroba të tjera elegante në ngjyrë blu deti për t'ia bashkëngjitur rrobave tuaja të zeza:
#1. Një pallto të shkurtër
#2. Një pulovër të ngrohtë
#3. Një xhaketë më sportive
#4. Një fustan të gjatë
#5. Sheshka 'balerinë'
Artikuj të sugjeruar:
Burimi: Who What Wear
