Angelina Jolie dhe Brad Pitt sollën në jetë fëmijën e tyre të parë biologjik në vitin 2006, Shiloh, që shumë shpejt, duke patur parasysh se asokohe bota ishte e magjepsur me Brangelina, Shiloh ishte subjekt i shtypit, jo vetëm për faktin që është fëmija i Angelina Jolie dhe Brad Pitt, por edhe për pamjen e saj.
Brad Pitt ka zbuluar për Oprah Winfrey se Shiloh, që në moshën 2-vjeçare, i kishte kërkuar familjes që ta quanin "John". “Ajo vetëm dëshiron të quhet John,” tha Pitt në vitin 2008. “John ose Peter.”
Që në moshë të vogël, ishte e qartë që Shiloh tërhiqej nga pamja androgjene dhe vishej me kostume, xhinse të shkurtra, këmisha me kuadratë, atlete.
Më vonë, preu edhe flokët. “Ajo dëshiron të jetë djalë,” tha Jolie për Vanity Fair në vitin 2010. “Kështu që duhej t’i shkurtonim flokët. Ajo pëlqen të veshë gjithçka të djemve. Mendon se është një nga vëllezërit."
Të hënën, Shiloh dhe fëmijët e tjerë të Jolie-Pitt, Maddox, 20 vjeç, Zahara, 16 vjeçe dhe binjakët Vivienne dhe Knox, 13 vjeç, u shfaqën në premierën e “Eternals”.
Tani 15 vjeç, Shiloh surprizoi të pranishmit në tapetin e kuq kur u shfaq me një fustan asimetrik, pupa dhe flokë në gjatësi mesatare të mbledhur pas.
Në fotot e postuara së fundmi nga faqet e fansave, Shiloh duket e veshur me zgjedhje që janë në modë për adoleshentet dhe ka flokë të gjatë.
Jolie tha për Extra në premierë se shpreson që personazhi i saj të frymëzojë vajzat e saj për të përqafuar të njëjtën fuqi që ajo dhe personazhi i saj zotërojnë. “Bëhet fjalë që ato të mësojnë të jenë vetja e tyre e vërtetë dhe të mësojnë të jenë në gjendje të qëndrojnë ashtu.”
Të qenit djalë apo vajzë, për shumicën e fëmijëve, është diçka që ndihet shumë e natyrshme. Në lindje, foshnjat caktohen si “mashkull” ose “femër” bazuar te karakteristikat fizike. Ndërkohë, "identiteti gjinor" i referohet një ndjenje të brendshme që njerëzit kanë për atë që janë, që vjen nga një ndërveprim i tipareve biologjike, ndikimeve të zhvillimit dhe mjedisi.
Vetë-njohja e identitetit gjinor zhvillohet me kalimin e kohës, njësoj si trupi fizik i fëmijës. Për disa fëmijë, përputhja midis gjinisë së caktuar në lindje dhe identitetit gjinor nuk është aq e qartë. Të gjithë fëmijët kanë tendencë të zhvillojnë një ide më të qartë për veten dhe gjininë e tyre me kalimin e kohës.
Zhvillimi gjinor është proces normal për të gjithë fëmijët. Disa prej tyre do të shfaqin variacione. Disa do të jenë të paqartë. Disa do të ndryshojnë disa herë mendimin se çfarë janë. Sidoqoftë, të gjithë fëmijët kanë nevojë për mbështetje, dashuri dhe kujdes nga familja dhe shoqëria, në mënyrë që të nxitet rritja e lumtur dhe e shëndetshme.
