Kur Drini Zeqo njoftoi të gjithë ndjekësit në Instagramin e tij se do të drejtonte edicionin qëndror të lajmeve në TV Klan, jo rastësisht lindi pyetja: Po me Reis Çiçon ç’do bëhet?
Mediat nisën të shkruajnë se gazetari që prej 25 vitesh jep lajmet në ekran do të largohet nga televizioni Klan, por e vërteta nuk qëndron kështu.
Burime në Klan bëjnë me dije për Anabel se Reis Çiço do të vazhdojë të japë lajmet, por është zhvendosur nga edicioni qëndror në atë të mbrëmjes. Arben Mevlani nga ana tjetër do të kalojë tek Klan Plus, që do të funksionojë si televizion më vete.
Ndryshimet kanë prekur edhe edicionin informativ të orës 15:30, ku lajmet do të prezantohen nga gazetarja Anjola Hamzai, që deri më sot ka qenë në ekranin e Ora News.
