Aktori i famshëm Donald Sutherland ka ndërruar jetë në moshën 88-vjeçare. Lajmin e ka bërë të ditur i biri i aktorit, përmes një postimi në Instagram.
“Me trishtim në zemër, ju them se babai im, Donald Sutherland, ka ndërruar jetë,” shkruan Kiefer Sutherland. “Unë personalisht mendoj se ai mbetet një nga aktorët më të rëndësishëm në historinë e filmit. Asnjëherë nuk u tremb nga ndonjë rol, i mirë, i keq apo i shëmtuar. Ai e donte atë që bënte dhe bënte atë që donte dhe asnjëherë nuk kërkoi më shumë. Një jetë e jetuar mirë,” shtoi ai.
View this post on Instagram
Aktori Sutherland ishte i njohur për rolet e tij në “The Hunger Games” dhe shumë të tjera. Sutherland luajti zotin Bennet në “Pride and Prejudice” në vitin 2005 me Keira Knightley dhe Hawkeye Pierce në “M*A*S*H”, në “Ordinary People” (1980) dhe “Invasion of the Body Snatchers” (1978) etj.
Rolet e tij të fundit ishin në seri televizive, si “The Undoing” dhe “Trust dhe Swimming with Sharks”. Aktori i njohur ka fituar një çmim Emmy për filmin “Citizen X”. Pavarësisht karrierës së gjatë në kinema, ai kurrë nuk mori një çmim Oscar për rolet protagoniste në film dhe televizion.
Sipas mediave botërore, thuhet se aktori vuante prej kohësh nga një sëmundje e rëndë.
Artikuj të sugjeruar:
Burimi: People
