Në vitin 1995, kurora e bukurisë iu dha Hygerta Sakos, ish- Miss Shqipërisë. Nëse për shumë nga ju, fitorja e një konkursi të këtillë, është pse jo, qëllim në jetë, ju themi se nuk është aq qejf, të paktën për Sakon jo.
Për të mos thënë që gjithë këto vite e kemi bezdisur apo acaruar duke iu referuar thjesht dhe vetëm si Miss Shqipëria. Sigurisht ka një shpjegim për të gjithën këtë!
E ftuar së fundmi në “Thumb”, Sako ka treguar se pavarësisht faktit që ka investuar në karrierën si gazetare (ju kujtojmë se aktualisht drejton ende programin sportiv ”Rubrika sportive"), njerëzit vazhdojnë ta lidhin emrin e saj me reputacionin e Miss- it.
“Nuk më thonë as ish-Miss po Miss. Po ka patur momente të tilla (që acarohem), se ajo ideja e Miss- it, e një vajze të vogël, e një vajze të re, që është pak çfarë fluturon hahet. Kur më thonë Miss- i më duket sikur më ulin vlerat e shumë viteve karrierë apo e shumë viteve që kam punuar." deklaroi Hygerta.
Më tutje vazhdoi:
"Sikur më zvogëlojnë staturën që jam munduar të arrij. Unë mundohem të them që jam një Miss i 24 viteve përpara kështu që ju lutem ma hiqni këtë nofkën, po që njerëzit janë fiksuar.”