Këtë sezon, reçipetat nuk qëndrojnë më të fshehura nën bluzë, por rikthehen si protagoniste të veshjes.
Bluza klasike duket se do të jetë në plan të dytë, ndërsa rripat, kupat dhe detajet e dantellës dalin në pah, të kuruara me finesë dhe plot stil. Në pasarelat e fundit, reçipeta nuk ishte thjesht një element funksional, por pjesë thelbësore e look-ut.
Në sfilatën e Chanel, modelet në nuanca rozë me frymëzim vintage u kombinuan me bluza transparente, duke krijuar një estetikë të këndshme. Ndërsa te Versace, interpretimi ishte më i guximshëm: reçipeta të ekspozuara me detaje të qëndisura, të shoqëruara me funde shumë të shkurtra apo pantallona me bel të lartë, për një siluetë të fortë dhe sensuale.
Një qasje më ndryshe u pa te Fendi, Ralph Lauren dhe Prada, ku reçipeta shërbente si një theks modern nën xhaketa oversize.
Mesazhi është i qartë: reçipetat janë rikthyer dhe po zëvendësojnë bluzat tradicionale si pjesë qendrore e stilit. Çelësi për ta përqafuar këtë trend mbetet ekuilibri, kombinojeni me elemente që nuk iu ekspozojnë më tepër, dhe, mbi të gjitha, visheni me vetëbesim.
