Nuk dua të përhap panik, por 2024 është thjesht 11 ditë larg dhe më pas, do të kemi një vit të ri, me ditëlindje, punë, pushime, përvoja dhe aventura të reja. Që t’i marrësh 2024-ës më të mirën, thjesht më thuaj shenjën tënde të horoskopit, që të të tregoj ditën më me fat të vitit.
Dashi – 30 prill 2024
Sezoni yt vërtet mbaron më parë, por frytet më të mira do i vjelësh më 30 prill, kur dita jote më me fat të jep fuqinë për të pushtuar gjithë botën. Gjatë 24 orëve do të të plotësohen të gjitha dëshirat, ndaj mbaje mend si datë!
Demi – 4 qershor 2024
4 qershori do të jetë dita jote! Dielli bashkëvepron me Afërditën dhe krijon dëshirën për dashuri, harmoni dhe bukuri. Kjo energji e re të mbush me shpresë dhe të motivon të ecësh me hapa më të sigurt.
Binjakët – 9 shtator 2024
E udhëhequr nga Mërkuri, i cili më 9 shtator do të shkojë te Virgjëresha, shenja e Binjakëve do të ketë shumë fat. Kjo ditë të ndihmon që të kesh më shumë energji për të bërë të realizuar të gjitha planet dhe dëshirat e tua.
Gaforrja – 5 korrik 2024
Kjo shenjë bën namin në verë dhe të gjithë e dimë. Sigurisht, 2024 s’ka pse të bëjë përjashtim. Kjo ditë përkon edhe me Hënën e plotë të korrikut, ndaj do të kesh një balancë të paparë mes zemrës, trurit dhe nënvetëdijes tënde.
Luani – 9 qershor 2024
Luani ka energji çdo ditë, por më 9 qershor do të ecë shumë përpara. Kjo datë shënon përkushtimin e jashtëzakonshëm për të bërë ndryshime radikale në jetën tënde. Mos harro! Veprimet e të tashmes të përcaktojnë të ardhmen!
Virgjëresha – 19 janar 2024
Në janar, Jupiteri do të hyjë në Dem dhe do të ndikojë në të gjitha shenjat e tokës, duke u zgjuar dëshirën për të udhëtuar dhe eksploruar mundësi të reja në çdo aspekt të jetës. Virgjëresha do të ketë shumë sukses në biznes, si dhe do të planifikojë një udhëtim të paharrueshëm.
Peshorja – 29 prill 2024
Peshorja, e udhëhequr nga Afërdita, do të haset me ca ndryshime të këndshme gjatë vitit 2024. Dita më me fat, qëllon të jetë pikërisht 29 prilli, ku Peshorja do të marrë vendimin për një stil jetese më të shëndetshëm dhe të qëndrueshëm.
Akrepi – 7 shkurt 2024
Për Akrepin, dita më me fat është 7 shkurti, pasi një energji e bukur shëruese, pasioni dhe sensualiteti do ta pushtojnë këtë shenjë. Do të jesh një person më aktiv, do të zgjerosh kontaktet në biznes dhe sigurisht, do të fitosh më shumë para.
Shigjetari – 26 maj 2024
Mërkuri, më 26 maj do të bashkëveprojë me Jupiterin dhe një forcë rinore do të jetë prezente në jetën e Shigjetarit. Do të shkosh në shtigje ku s’ke shkelur më parë dhe do të eksplorosh kaq shumë opsione dhe mundësi për t’i marrë jetës më të mirën.
Bricjapi – 1 janar 2024
Mundohu të mos festosh shumë fare dhe ta humbësh datën 1 janar, sepse do të jetë data më me fat për ty. Do të kesh një energji pozitive dhe do të motivohesh për t’i çuar gjërat deri në fund. Kjo datë ndikon edhe në vetëbesimin dhe entuziazmin tënd, ndaj nëse ndjen një frymë të re dhe vizionare, mos u çudit.
Ujori – 29 janar 2024
Për ty Ujor, dita më me fat do të jetë 29 janari, kur Marsi dhe Urani bashkëpunojnë dhe ndikojnë pozitivisht në aspektin tënd kreativ. Mendimet e tua “jashtë kornizave” do të të çojnë shumë larg. Besoji intuitës!
Peshqit – 7 shkurt 2024
Një romancë e re magjepsëse do të vijë në shenjën tënde, disa ditë para Shën Valentinit. Marsi dhe Neputini do të kujdesen që të të dhurojnë ty, shenjës më ëndërrimtare një dashuri të bukur, të ndjeshme dhe të shumëpritur.
Artikuj të sugjeruar:
