Keni dëshirë të bëni tatuazhe të njëjta me motrën, vëllain, partnerin/en, pse jo edhe kolegët e punës? Nëse po, merrni disa ide nga këta të famshëm, por sigurohuni mirë që po e bëni me dikë me të cilën marrëdhënia do të zgjasë të paktën më shumë se 3 muaj. Në të kundërt mund t’ju ndodhë si Donaldi dhe Semi që për pak sa nuk bënë tatuazh të përbashkët fjalën psiko shoqëruar me një vizatim të patës (pra, psikopat/e).
Donaldi dhe Fifi zgjodhën të bënin një tatuazh të përbashkët, “filoqyl”, që lidhej me një fjalë që të dy e përdornin shpesh brenda.
Shokët e pandarë, DJ PM dhe DJ Dagz, të ftuar në “Why not” bënë tatuazh shprehjen që vendosin në çdo këngë të tyre, “It’s PM to the Dagz now”.
Adrola Dushi dhe Kristina Baki kanë tatuazh “2012” që shënon vitin e njohjes së tyre.
Mikeshat e ngushta Cara Delevingne dhe Selena Gomez vendosën të bënin një tatuazh të njëjtë. Selena është shprehur se kuptimi është i lidhur më pseudonimin që Cara e thërret atë, rosebud (gonxhe trëndafili).
Kasti i aktorëve të “The Suicide Squad” shkruan “skwad” dhe e veçanta është se u bënë tatuatorë për njëri-tjetrin duke e shkruar me shkrimin dhe duart e tyre, jo të ndonjë profesionisti.
Kasti i “The Pretty Little Liars” në vitin 2016, në kujtim të 7 viteve serial, bënë tatuash në gishtin tregues shkronjën e parë të personazhit që luajtën.
Kasti i “The Avengers” kanë tatuazhin e njëjtë me logon si kujtim të periudhës së bukur që kanë kaluar dhe roleve të tyre. I vetmi që nuk e ka bërë është Mark Ruffalo (në rol si Hulku), sepse nuk i preferon.
Kasti i “Lord of the Rings” ka bërë tatuazh numrin nëntë si fjalë “nine”, por në gjuhën “Elvish”, gjuha e krijuar për elfët.
Beyonce dhe Jay Z kanë bërë tatuazh numrin 4 në numra romak që sipas tyre është numër i fatit, të dy kanë lindur në datë 4, u martuan në datë 4. Gjithashtu dhe emri i vajzës së tyre Blue Ivy ka lidhje me numrin.
