Lourdes Leon foli për marrëdhënien jo fort të lehtë me të ëmën, Madonna-n.
Në një bisedë me Interview, Lourdes ndau përvojën e saj si vajza e parë e Madonna-s. Ajo u shpreh se ndonjëherë ndihej e mbingarkuar.
“Unë mendoj se nëna ime i pa të gjithë fëmijët e njerëzve të famshëm dhe tha: ‘Fëmijët e mi nuk do të jenë kështu’. Gjithashtu mendoj që ku prindërit paguajnë për gjërat e tyre, atëherë kjo u jep atyre pushtet për të kontrolluar jetën tënde.”
Lourdes shtoi se Madonna “është tepër kontrolluese”.
“Ajo më ka kontrolluar gjithë jetën. Më duhej të isha plotësisht e pavarur prej saj, sapo mbarova shkollën e mesme.”
Lourdes kërkoi pavarësi financiare në moshë të re dhe thuhet se ajo e pagoi vetë shkollimin në kolegj dhe më vonë mori një apartament me qira në Brooklyn. Përvoja me paratë e veta e bëri të vlerësojë më shumë të ëmën.
“Unë nuk e kuptova plotësisht derisa kuptova rëndësinë e fuqizimit dhe çfarë do të thotë të jesh grua,” tha ajo duke shtuar se e admiron të ëmën për mënyrën se si gjithmonë ka fuqizuar gratë e tjera dhe për faktin që ka qenë gjithmonë një hap para.
“Ajo është njeriu më punëtor që kam njohur ndonjëherë.”
Madonna gjithashtu ka treguar më parë për mëmësinë.
"Unë kisha këtë idenë qesharake se kur fëmijët rriten, ata mësojnë të kujdesen për veten dhe bëhet më e lehtë. Por në fakt sa më të rritur të jenë, aq më sfiduese bëhet, sepse tani ata po bëhen të rritur dhe kanë vërtet nevojë për udhëzime,” tha ajo për People në vitin 2017.
Ajo pranoi se është një nënë e rreptë. “Unë jam përgjegjëse! Unë jam shefja. Unë jam ajo që them ‘jo’. E pranoj këtë rol,” tha ajo.
Përveç Lourdes, Madonna është nënë e Rocco, 21 vjeç, David, 15 vjeç, Mercy, 15 vjeçe, dhe binjakëve Estere dhe Stella, 9 vjeç.
