Videoja nis kështu: tre fëmijë të vegjël, bjondë, që këndojnë me sa kanë fuqi “Someone like you” nga Adele. Ngadalë, kamera fokusohet tek shoferi që iu bashkua papritur trios. Në timon është Dritan Prifti dhe tre fëmijët që këndojnë janë David, Ted dhe Livia Prifti, fëmijët e tij.
Videon e postoi në Instagram e bija e ish-Ministrit të ndjerë me përshkrimin: “Njëherë e një kohë me babin, Davidin dhe Tedin. Sa shumë na mungon, ba.”
Dritan Prifti u nda nga jeta më 12 tetor 2017, në moshën 49-vjeçare pas një beteje të gjatë me një sëmundje agresive në gjak. Ai la pas bashëkshorten dhe tre fëmijë. Shërbeu si deputet dhe ministër i LSI, respektivisht për dy dhe një vit.
Fëmijët e tij merren me modeling dhe fushata që i riktheu në punë që prej vdekjes së babait ishte Dolce & Gabbana, fotografuar nga Endrit Mërtiri në Shqipëri.