Lajme të këqija! Kjo javë mund të jetë sfiduese për lidhjet e këtyre 3 shenjave

Mid-Day

 
Prej javësh tashmë, ka shumë mundësi që të kesh ndjerë një ngadalësim në ritmin e jetës tënde dhe nuk ke faj! Kjo ndodh sa herë jemi në një prapavijë dhe sidomos në atë të Mërkurit. Gjërat mund të dalin jashtë binarëve dhe ne jemi të detyruar të përshtatemi!
 
Universi shpesh na jep shenja paralajmëruese për mënyrën si duhet të ndryshojmë drejtim gjatë vetë fazës së prapavijës, ndaj reflekto për javët e fundit dhe mund të kuptosh se pse disa marrëdhënie do të trazohen tani.
 
Binjakët
 
Mund të përballesh me pak turbullira në marrëdhënie tani dhe në javët në vijim. Nga njëra anë, mund të ndihesh sikur ti dhe një person i rëndësishëm, qoftë në biznes apo në jetën personale, po flisni gjuhë të ndryshme dhe nuk po e kuptoni njëri-tjetrin.
 
Ky nuk është fundi i botës, por do të thotë që do t’ju duhet të negocioni më shumë ose të shpenzoni më shumë kohë për të sqaruar detajet. Nuk është gjithashtu momenti më i mirë për të nënshkruar kontrata apo për të bërë marrëveshje të reja, pasi ato mund të dështojnë më vonë.
 
Nëse, për ndonjë arsye, dëgjon nga një partner i së kaluarës, ndoshta është koha për të biseduar dhe për të sqaruar atë që ka ndodhur më parë.
 
Gaforrja
 
Ti zakonisht dëshiron të kesh gjithçka nën kontroll dhe e di mirë si të planifikosh dhe menaxhosh jetën tënde, Gaforre. Megjithatë, mund të duket sikur gjithçka po del nga kontrolli dhe nuk po arrin të mbash ritmin me rutinat, përgjegjësitë dhe çështjet e punës.
 
Mund të ketë keqkuptime rreth projekteve, kolegëve apo klientëve. Gjëja më e mirë që mund të bësh është të marrësh frymë thellë dhe të mos stresohesh, nëse është e mundur. Nëse ke një projekt nga e kaluara që dëshiron ta rikthesh në vëmendje, tani është momenti i duhur.
 
Shigjetari
 
Ke hyrë në një “zonë përthyerjeje” dhe mund të ndihesh sikur po rrotullohesh në vend. Ku po shkon? Çfarë po ndodh? Pse çdo gjë duket kaq e çrregullt dhe e shpërndarë? Edhe pse situatat, komunikimet dhe marrëdhëniet mund të jenë të përziera, gjëja më e mirë që mund të bësh është të përdorësh humorin tënd të famshëm dhe ta marrësh me të qeshur, në vend që t’i shtosh vetes stres.

Së shpejti, gjërat do të fillojnë të vihen në vend vetvetiu, ashtu siç duhet.